филиал вгтрк государственная телерадиовещательная компания “Алания”

Цæгат Ирыстоны фæзындзæн тематикон «Аланийы парк». Уым æвдыст цæудзæн Цæгат Кавказы адæмы хæттыты культурæ æмæ истори. Кластер уыдзæн 38 гектарыл, æмæ дзы уыдзæн 50 объекты. Се хсæн планетарий, ихыл бырæн фæз, 3D-кинотеатр, аквапарктæ, хæрæндæттæ. Се ппæт дæр – сывæллæттæн. Зæгъын хъæуы уый, æмæ Кавказы уыдзæн иунæг ахæм парк. Уыдзæн хуссар регионты культурæ æмæ истори иугæнæг. Курорты иу ранæй иннæмæ цæуæн уыдзæн ауындзгæ фæндагыл. Рацæуæн дзы уыдзæн станцæтæ «Нальчик», «Грозный», «Кабарда» æмæ æндæртыл. Тематикон«Алания парк» афæдзмæ лæггад кæндзæн 500 адæймагæн. Арæзтад цæудзæн 4 къæпхæнæй. Чи зоны æмæ туристты нымæц зынгæ фæфылдæр уыдзæн.