филиал вгтрк государственная телерадиовещательная компания “Алания”

Уæрæсейы сбæрæг кодтой шахтеры бон. Уый кадæн Цæгат Ирыстоны дæр арæзт æрцыдысты бæрæгбоны мадзæлттæ. Къабазы хуыздæр кусджытæн кад скæнынмæ æрбацыд республикæйы сæргълæууæг Битарты Вячеслав. Зæрдиаг арфæтæ ракодта Садоны зды æмæ цинчы комбинаты раздæры кусджытæн. Цалдæрæн дзы лæвæрд æрцыд Ирыстоны намысы майдантæ, кады грамотæтæ, арфæйы фыстæджытæ, стæй æхцайы премитæ. Республикæйы сæргълæууæг фæллойгæнджытæн загъта бузныг, се нæзæрдæхудт æмæ ахадгæ куысты тыххæй. Уыимæ ма бафиппайдта, йæ рæстæджы уæлдай кад кæй уыди, шахтертæн. Уый та уыд, сæ куыстуаты кæй фæллой кодтой профессионалон хæххон кусджыты æмæ геологты династитæ, уый фæрцы дæр.