27 августа 2019, 13:12
Екатеринбургæй нæ республикæмæ ссыди агурæн экспедици
Æмбырд кæнынц Фыдыбæстæйы Стыр хæсты рæстæг Цæгат Ирыстоны зæххыл Уралы цæрджытæй чи фæмарди, уыдоны тыххæй æрмæджытæ
Екатеринбургæй нæ республикæмæ ссыди агурæн экспедици. Æмбырд кæнынц Фыдыбæстæйы Стыр хæсты рæстæг Цæгат Ирыстоны зæххыл Уралы цæрджытæй чи фæмарди, уыдоны тыххæй æрмæджытæ. Специалисттæн ахæм фадат ис агурæн-иртасæн проект «Æрджынарæджы фæндаг» æххæстгæнгæйæ. Баст у Стыр Уæлахизы 75 азы бонимæ. Къорды хыгъды сты Цæгат Кавказы æмæ Афганистаны хæстон цауты ветерантæ, культурон центрты минæвæрттæ, æвзонг æфсæддонтæ. Ныридæгæн сæ къухы бафтыди 59 хæстоны тыххæй æрмæг æрæмбырд кæнын.
