27 августа 2019, 17:20
Абон у кинематографистты профессионалон бæрæгбон
Уæрæсейы кинойы бонæн бындур æвæрд æрцыди 100 азы размæ. Йæ сæйраг нысан уыди, аивады ацы хуыз национ скæнын.
Абон у кинематографистты профессионалон бæрæгбон.
Уæрæсейы кинойы бонæн бындур æвæрд æрцыди 100 азы размæ. Йæ сæйраг нысан уыди, аивады ацы хуыз национ скæнын. 1945-æм азы Цæгат Ирыстоны байгом кинохроникæйы студи. Уымæй 20 азы фæстæ та йæ бындурыл кусын райдыдта кинойы студи дæр. Цы продукци уагъта, уый нымæцмæ гæсгæ, бæстæйы сси дыккаг. Ирыстоны цы кинотæ истой, уыдон æвдыстой федералон каналтæй дæр. Сæ кинопрокаттæн уыди стыр тираж. Организацийы куыст æмæ йæ традицитæ ныр кæй зæгъын æй хъæуы, аивтой. Æнæивгæ раздæрау сты киноисджыты иузæрдиондзинад сæ куыстыл, æмæ адæмы уарзондзинад.
