Сæ тыхтæ бафæлварыны фадат уыдзæн алкæмæндæр
Цæгат Ирыстоны уыдзæн «Тоталон Иумæйаг Паддзахадон Фæлварæн». Ахуырадон акци хистæркъласонтæн баххуыс кæндзæн сæ зонындзинæдтæ сбæрæг кæнынæн, æмæ ног ахуыры азмæ сæхи бæстондæр бацæттæ кæнынæн. Баххуыс кæндзæн ныййарджытæн дæр, фæлварæны процедурæ хуыздæр бамбарынæн. Сæ тыхтæ бафæлварыны фадат уыдзæн алкæмæндæр. Уыимæ – лæвар. Æрмæст хъæудзæн рагацау, цы предмет равзарай, уый регистраци скæнын: математикæ, уырыссаг æвзаг, æхсæнадзонынад æмæ физикæ. Иумæйаг паддзахадон фæлварæны фæлтæрæн арæзт цæуы уæрæсейаг ахуырадон компани MAXIMUMы хъæппæрисæй. Æххæст æй кæнынц Уæрæсейы 18 горæты. Ацы аз компанийы филиал кусын райдыдта Дзæуджыхъæуы дæр. MAXIMUM скъоладзауты цæттæ кæны стандартизацигонд иумæйаг æмæ сæйраг фæлварæнтæм. Компани æмгуыстад кæны педагогон иртæстыты федералон институтимæ, стæй нæ бæстæйы хуыздæр уæлдæр ахуыргæнæндæттимæ.
