Уыимæ фылдæр адæм æвзарын райдыдтой фистæгæй туристон балцытæ
Нæ республикæйы парахат кæнынц фæллад уадзыны алы хуызтæ. Уыимæ фылдæр адæм æвзарын райдыдтой фистæгæй туристон балцытæ. Рæзы туристон клубты нымæц дæр. Фæлæ алцæмæндæр хъæуы бæлвырд фæтк. Зæгъæм, балцы размæ æнæмæнг хъæугæ домæнтæ сæххæст кæнын, æрмæст афтæмæй хæхтæм, кæнæ æндæр зæрдылдарæн бынæттæм араст уæвын. Дарддæр сæ куыст кæндзысты фæлтæрдджын инструктортæ. Куыд кусынц ныртæккæ Цæгат Ирыстоны туристон клубтæ, уый тыххæй радзурдзæн Касаты Наирæ.
Сыгъдæг уæлдæф, де уæхскыл дæ хызын, æмæ километргай тезгъо. Фæстаг азты æзты фистæгæй балцытæм республикæйы цæрджытæ се ргом здахын райдыдтой бирæ фылдæр. Уымæ гæсгæ, туристон балцытæ скæнынæнлæггæдтæ чи кæны, ахæм клубты нымæц дæр рæзы. Ацы хъуыддаджы ахсджиаг у, балцы кæимæ цæуыс, уый. Сæйрагдæр та лæггадгæнæг компани адæмы æдасдзинадæн дзуапп дæтты, æви нæ, уый.
Республикæйы фæсивæдон туристон клуб сбæрæг кодта йæ 20 азы юбилей. Ацы æмгъуыдмæ сæ къухы цы бафтыд, уымæй сты сæрыстыр. Фæлтæрдджын инструктортæ сæ куысты сусæгдзинæдтæ, æмæ арæхстдзинад дæттынц æрыгон специатлисттæн.
Ног маршруты куыст цæуы арæхстгоай…Алы специалист дæр хъуамæ ацы хъуыддагмæ бахæсса йæхи хъуыдытæ æмæ цæстæнгас. уый фæстæ æмзондæй рахæсдзысты иумæйаг кæронбæттæн хатдзæг.
Тохтиаты Риммæйы фыццаг æнтыстдзинад у, Мады хохы цъуппмæ кæй схызти, уый. Кæй зæгъын ын хъæуы, æнцон хъуыддаг ын нæ уыди. Фæлæ йæ сæххæст кодта. Чызг фистæгæй балцыды проекты архайы æрыккаг аз, æмæ хорз зоны, йæ фарсмæ цы адæм ис, уыдоныл æууæнкдзинад куыд ахсджиаг у, уый.
Æмæ уый у инструкторы сæйраг хæс. Туристы цæттæдзинадмæ гæсгæ йын хъæуы раст инструктаж скæнын. Рагагъоммæ та йын йæ гæнæнтæ базонын æнцон нæ вæййы.
Республикæйы туризмы райрæзты фарстаыл ныхас цыди проект «Хицауадимæ æргом ныхас»-ы фæлгæты. Инструктортæ æмæ гидтæ кæй нæ фаг кæнынц, уый æвзæрын кæны зындзинæдтæ. Туристон клубты минæвæрттæ стыр республикæйы туризмы комитеты советы хыгъды.
Национ парк «Алания»-йы территорийы экскурситæ, кæдфæндыдæр вæййынц цымыдисаг æмæ адæймагæн пайда. Амы кусджытæ сæ фæкæнынц сæрмагонд фæткмæ гæсгæ. Ног закъон туристон клубтæн ратдзæн ног гæнæнтæ, уый та хорзырдæм фæзындзæн республикæйы туризмы къабазыл.
