30 августа 2019, 17:05
Дзæуджыхъæуы аэропорты æнæзакъонæй цы таксисттæ кусынц, уыдоны хъæуы раргом кæнын
Уый куыд бакæнæн ис, ууыл ныхас цыд Цæгат Ирыстоны промышленносты æмæ транспорты Министрады æмбырды.
Дзæуджыхъæуы аэропорты æнæзакъонæй цы таксисттæ кусынц, уыдоны хъæуы раргом кæнын.
Уый куыд бакæнæн ис, ууыл ныхас цыд Цæгат Ирыстоны промышленносты æмæ транспорты Министрады æмбырды. Архайдтой дзы мидхъуыддæгты министрады, аэоропорты æмæ такситы фирмæты минæвæрттæ. Хæстæгдæр рæстæг такситтæм æркæсдзысты фæллойадон инспекцийы специалисттæ. Хыгъды чи нæ лæууы, æмæ хъалонтæ чи нæ фиды, уыдонæн бафидын кæндзысты административон ивар. Æмбырды куыд фехъусын кодтой, афтæмæй ацы аз бæлццæтты нымæц фæфылдæр 40 проценты. Министрады нысантæм гæсгæ ма сараздзысты иу фирмæ, хæрзхъæд лæггæдтæ æмбæлгæ аргъыл чи кæндзæн, ахæм.
