Абон æй нæ республикæмæ сласдзысты Мæскуыйы бынмæ горæт Бачуринойæ. Дзуарынв æхсæвы уыдзæни Беслæны 1-æм скъолайы спортивон залы
Цæгат Ирыстоны цæрджытæн та ногæй фадат уыдзæни Мадымайрæмы авдфатон дзуары нывы цур скувынæн. Абон æй нæ республикæмæ сласдзысты Мæскуыйы бынмæ горæт Бачуринойæ. Дзуарынв æхсæвы уыдзæни Беслæны 1-æм скъолайы спортивон залы. Уый фæстæ йæм кувæг адæм цæудзысты Дзæуджыхъæуы аргъуантæм. Уыдзæни Георгий Уæлахизхæссæджы, Мадымайрæмы, æмæ уырыссаг аргъуанты. 10 – æм æмæ æмæ 11-æм сентябры дзуары нывыл андзæвыны бар уыдзæни Хуссар Ирыстоны цæрджытæн. 12-æм сентябры йæ аласдзысты фæстæмæ. Авдфатон Мадымайрæм чырыстон дины у сæйрагдæртæй иу. Адæм æм фæкувынц, цæмæй знæгты хсæн ныхмæлæуддзинад фæмынæг уа, адæм кæрæдзийæн уой барондæр, æмæ сæ зæрдæтæ фæлмæндæр кæной. Дзуарынывы ма хонынц «Фыдзæрдæ фæлмæндæр кæнæн» дæр. Йæ ном у йæхиуыл дзурæг. Адæмы уырнынадмæ гæсгæ дзы фæкурынц хæларзæрдæ æмæ сабырдзинад. Мадымайрæмы ацы фæлгонцы цур фæкувынц бинонты хсæн хæларзæрдтæ æмæ уарзон ахстдзинæдтæ, æххуысагур æм фæцæуынц уарзæгой адæм дæр. Дзуарыныв Ирыстонмæ сласыны хъæппæрис разынди меценат Хъороты Владимирмæ.
