Æрныхас кодтой республикæйы социалон-экономикон райрæзты мадзæлттыл
Битарты Вячеслав фембæлд Уæрæсейы Хицауады аппараты разамонæджы хæдивæг Анатолий Кириенкоимæ. Æрныхас кодтой республикæйы социалон-экономикон райрæзты мадзæлттыл. Ацы аз паддзахадон программæты æмæ национ проекты фæрцы Дзæуджыхъæуы арæзт цæуынц 2 скъолайы, ст. Луковскæйы сывæллæтты рæвдауæндон, Майскæйы амбулатори, æмæ дыууæ фельдшерон-акушерон пункты Куырттат æмæ Хæтæлдоны. Цалцæггæнæн куыстытæ цæуынц сывæллæтты рынчындоны, ног кæнынц тагъд æххуысы клиникон рынчындоны дзæбæхгæнæн бæстыхæйттæ. Битарты Вячеслав ма фехъусын кодта, Уæрæсейы æнæниздзинадхъахъхъæныны министрадмæ æрвыст æрцыди сæрмагонд документтæ, цæмæй республикæйæн УФ-йы Хицауады фондæй радих кæной фæрæзтæ, æнæниздзинадхъахъхъæныны 7 объекты саразынæн.
