Документ хорзыл банымадтой закъонæвæрынады æмбырды
Республикæйы Парламент снысан кодта Цæгат Ирыстоны социалон-экономикон рæзты стратеги 2030-æм азмæ. Документ хорзыл банымадтой закъонæвæрынады æмбырды. Сæйрагдæр дзы фæнысан кодтой социалон къабаз, агропромышленнон комплекс, промышленность æмæ нымæцон экономикон, гыццыл æмæ астæуккаг амалхъомдзинад, наукæ æмæ инновацитæ, туризм, артаг æмæ энергетикæйы комплекс, хæххон территориты райрæзт æмæ транспортон – логистикон инфраструктурæ. Республикæйы экономикæйы министрады бæрæггæнæнтæм гæсгæ, ацы куыст цæуы, национ проекттæ царды уадзыны фæлгæты. Уымæй уæлдай, системæ æххæстгæнгæйæ, республикæ архайдзæн паддзахадон программæты, æмæ йын уыдзæни паддзахадон æмæ хи партнертæ, стæй æнæбюджетон фæрæзтæ. Закъоны проект хъуамæ бафысса Битарты Вячеслав, уый фæстæ мыхуыргонд æрцæудзæн дзыллон информацион фæрæзты. Иннæ азæн бæрæггонд æрцыди пенсиисæгæн цæрыны æппынкъаддæр бæрц дæр. 8 мины 4 сæдæ 55 сомы. Парламенты æмбырды ма ныхас цыди, ацы азы 6 мæйы бюджет куыд æххæстгонд цæуы, ууыл. Федералон бюджетæй республикæйæ æдæппæтæй Субсидитæ дихгонд æрцыди 1 милиард 71 милуан сомы. Фæрæзты иу хай хардзгонд цæуы фæндæгты арæзтадыл. Бафыстой 3 азы онг кæуыл цæуы, ахæм сывæллæтты фиддонтæ. Финансон æххуыс райстой фермертæ дæр. 66 милуаны æрвыст æрцыди адæмы кæлатдзаг хæдзæрттæй ногтæм ракæныны программæ æххæст кæнынмæ.
