Кусынц раззагазиаг леопардтæм цæстдарды къамисæнтæ сног кæныныл. Экспедици ахæсдзæн октябры кæронмæ.
Уæрæсейы экологимæ цæстдарды службæйы ахуыргæндтæ архайынц Цæгат Ирыстоны хæхты экспедицийы.
Кусынц раззагазиаг леопардтæм цæстдарды къамисæнтæ сног кæныныл. Экспедици ахæсдзæн октябры кæронмæ. Ныртæккæ специалисттæ флеш-картæтæй æмбырд кæнынц бæрæггæнæнтæ, аивдзысты аккумулятортæ, бахъуаджы рæстæг камерæтæ сæвæрдзысты æндæр рæтты. Флеш-картæтæн анализ куы скæной, уæд уый фадат ратдзæн æрæджы цы леопард фесæфти, уый фæд ссарынæн, зæгъынц ахуыргæндтæ. Ацы фарстайы фæдыл Ирыстоны хæхты куыста æртæ экспедицийы, фæлæ хъыгагæн сæ къухы ницы бафтыд. Гæнæн ис, æмæ хъæддаг сырд ацыди Хуссармæ, Сомих кæнæ Ираны рдæм. Фæлæ кæд леопард æгас у, æмæ Цæгат кæнæ Хуссар Ирыстоны ис, уæд æнæмæнгæй бахаудзæн къамисæнты хызты.
