Ацы æмæ æндæр хæстæ йæ размæ сæвæрдта мыхуыры æмæ дзыллон коммуникациты комитет.
Фæсивæды ргом районты газеттæм кусынмæ раздахын, æмæ ирон æвзагыл литературæ æмæ переодикæ парахат кæнын.
Ацы æмæ æндæр хæстæ йæ размæ сæвæрдта мыхуыры æмæ дзыллон коммуникациты комитет. Уый тыххæй журналисттæн фехъусын кодта йæ сæрдар Фидараты Юрий. Проект «Хицауадимæ æргом ныхасы» фæлгæты ведомствæйы разамонæг радзырдта районты дзыллон информацийы фæрæзтæн æххуыс кæныны мадзæлттыл. Журналистты цы фарстатæ тыхсын кодтой, уыдоны сæйрагдæр уыди посты куыст. Районты мыхуыры фæрæзты куыст къуылымпы кæны, дæрддзæф хъæутæм газеттæ æмæ журналтæ афоныл сæ бон æрвитын кæй нæу, уый. Уым газеттæ сты иунæг фæрæз информаци базонынæн. Фидараты Юрийы ныхæстæм гæсгæ, фарста æнцон нæу. Комитет æй йæ боны фæткæй нæ сисдзæн, цалынмæ хъæуты цæрджытæ газеттæ æмæ журналтæ æххæстæй исын нæ райдайой, уæдмæ.
