филиал вгтрк государственная телерадиовещательная компания “Алания”

Дзæуджыхъæуы Сабырдзинады проспекты цы коммерцион организацитæ ис, уыдоны хицæуттæн бабар кæндзысты, фистæгæйцæуджыты сæйраг фæндаг иумæйаг стилы скæнын.

Горæты историон хай хъæуы бахъахъхъæнын. Амалхъом адæмы та хъæуы бæстыхæйтты æддаг бакастмæ базилын æмæ сын иумæйаг архитектурон хуыз скæнын. Ахæм амынддзинæдтæ Дзæуджыхъæуы администрацийы разамындæн скодта Цæгат Ирыстоны сæргълæууæг Битарты Вячеслав, горæтыл радон инспекцион балцы фæстæ. Фиппаинæгтæ скодта горæты центрон хайы санитврон уавæры тыххæй. Республикæйы разамонæг ма федта, Центрон парчы рацарæзт куыд цæуы, уый дæр. Ныртæккæ аразджытæ æвæрынц къйдуртæ, ног кæнынц сæрдыгон эстрадæ «Ракушка». Егъау рацарæзты радон къæпхæн фæуыдзæн ацы аз.