Ныхас цыди национ программæ «Уæрæсейы нымæцон экономикæ»-йыл æмæ проект «Электрон хицауад» æххæст кæныныл
Хицауадимæ æргом ныхасы фæлгæты журналистты фæрстытæн дзуæппытæ радта республикæйы информацион технологиты æмæ бастдзинады упарвленийы разамонæг Сæлбиты Алан. Ныхас цыди национ программæ «Уæрæсейы нымæцон экономикæ»-йыл æмæ проект «Электрон хицауад» æххæст кæныныл. Бæрнон кусæг куыд фæнысан кодта, афтæмæй электронмæ ивд æрцыдысты лæггæдты 40 хуызы. Хорзырдæм ивддзинæдтæ цæуы бирæвæрсыг центрты куысты дæр. Адæймаджы æнхъæлмæ кæсын бахъæуы æппæты фылдæр 15 минуты. Фæфылдæр ис центрты нымæц дæр. Журналистты базонын фæндыди проект «Æдас республикæ» куыд æххæстгонд цæуы, уый дæр. 112 номыр кусын куы райдыдта, уæдæй нырмæ дыууæ хатты фæкъаддæр тагъд æххуысы службæтæм бадзургæйæ дзуаппмæ æнхъæлмæ кæсыны рæстæг. Сæлбиты Алан куыд загъта, афтæмæй фæндæгтыл камерæтæ æвæрд кæй æрцыди, уый фæрцы фæндаггон фыдбылызты нымæц дæр фæкъаддæр 10 хатты. Нымæцон технологитæ фæнд кæнынц æхсæнадон транспорты куысты ныффидар кæнын дæр.
