Фыст у, уæрæсейаг ахуыргонд, паддзахадон архайæг, Норильскы Никелы концерны директор Хъæрджынты Хъазыбегыл
Рухс федта Андрей Черницыны чиныг «Казбек Промышленных масштабов». Фыст у, уæрæсейаг ахуыргонд, паддзахадон архайæг, Норильскы Никелы концерны директор Хъæрджынты Хъазыбегыл. Литературон уацмыс фыст æрцыди, Советон Цæдисы паддзахадон премийы лауреаты рæстæджы чи царди, уыдоны ныхæстæм æмæ мысинæгтæм гæсгæ. Чиныджы бæстонæй ныхас цæуы, Хъæрджынты Хъазыбеджы цардвæндаг æмæ йæ алы азты куыстыл. Авторы ныхæстæм гæсгæ документалон æрмæджытæм гæсгæ конд нæу. Уацмысы ис бирæ аивадон фæзилæнтæ дæр. Ног чиныг цымыдисаг уыдзæни Хъазыбеджы чи зыдта æрмæст уыдонæн нæ, фæлæ йæ цард металлургон промышленностимæ чи сбаста, уыдонæн дæр. Чиныджы презентаци уыди Цæгат Кавказы хæххон металлургон институты. Хъæрджынты Хъазыбег йæхæдæг дæр каст фæци ацы уæлдæр ахуыргæнæндон.
