Цæуынц дзы Ирыстоны бонтæ
Санкт-Петербург ацы бонты суазæг кодта Цæгат æмæ Хуссар Ирыстоны минæвæртты. Цæуынц дзы Ирыстоны бонтæ. Цæгатаг сæйраг сахары ацы мадзал баст у Уæрæсейы ирыстойнаг минæварады 270 азимæ. Ацы историон цауæн стыр ахадындзинад ис, Уырысы æмæ ирон адæмы хъысмæт баиу кæныны. Уæд, фæлтæрдджын политик æмæ курдаитджын дипломат Магкæты Зурабы разамындæй, зын политикон уавæрты, фыццаг ирон минæварадæн бантысти Ирыстон æмæ Уæрæсейы хсæн фидар бындур сæвæрын. Санкт-Петербурджы бæрæгбоны мадзæлтты архайынц Хуссар Ирыстоны президент Бибылты Анатолий æмæ РЦИ-А Парламенты Сæрдар Алексей Мачнев дæр. Ирыстоны бонтæ дзы уыцы иу рæстæг цæуынц дыууæ фæзы: музейон центры æмæ паддзахадон Эрмитажы. Каджын мадзал арæзт у цымыдисаг культурон программæйæ. Уазджытæн дзы феныны фадат ис археологийы æмæ этнографийы предметтæ, стæй Цæгат æмæ Хуссар Ирыстоны Национ музейты историон документтæ кæм равæрдтой, ахæм равдыст. Уымæй уæлдай, Хетæгкаты Къостайы æмæ Тугъанты Махарбеджы зындгонд куыстытæ. Бæрæгбон саив кæндзысты адæмон кафты ансамбль «Ирыстон» æмæ Ходы Оледжы адæмон инструментты оркестр дæр. Санкт-Петербурджы сæйраг музейы нысан кæнынц сæрмагонд экскурситæ, наукон фембæлдтытæ, поэзийы, адæмон кæфтыты æмæ ирон музыкæйы изæр.
