28 октября 2019, 12:36
Республикæйы цæуынц Черчесты Георгийы номарæн мадзæлттæ
Национ наукон библиотекæйы æрæмбырд сты публицисты хиуæттæ, йæ хæлæрттæ, æмæ йын йе сфæлдыстадыл иузæрдион чи у, уыдон
Республикæйы цæуынц Черчесты Георгийы номарæн мадзæлттæ. Национ наукон библиотекæйы æрæмбырд сты публицисты хиуæттæ, йæ хæлæрттæ, æмæ йын йе сфæлдыстадыл иузæрдион чи у, уыдон. Черчесты Георгий у, ирон чиныгкæсæг стыр аргъ кæмæн кæны, уыцы фысджытæй иу. Йæ чингуытæ уагъд цыдысты стыр тиражтæй. Уыимæ, актуалон сты æрмæст хистæр кары адæмы хсæн нæ, фæлæ кæстæр фæлтæры хсæн дæр. Бирæ рæстæг Черчесты Георгий уыди республикæйы культурæйы министр. Йæ разамындæй арæзт æрцыди Национ наукон библиотекæ, стæй йæ цалдæр филиалы дæр.
темæмæ гæсгæ
