Сæххæст æй кæндзысты мобилон операторты æмæ паддзахадон разамынды бæрæггæнæнтæй сапйда кæнгæйæ
Иннæ аз Уæрæсейы фыццаг хатт арæзт уыдзæн адæмы нымæцон æрфыст. Сæххæст æй кæндзысты мобилон операторты æмæ паддзахадон разамынды бæрæггæнæнтæй сапйда кæнгæйæ. Уæдæ алкæйы бон уыдзæн йæхи фæнысан кæнын инетнеты уавæртæй спайда кæнгæйæ. Цæгат Ирыстоны ацы процедурæмæ ныронг цæттæ кæнынц. Куыдæй, уый тыххæй радзурдзæн Гуытьиаты Алинæ.
Цæгат Ирыстоны райдыдтой цæттæ кæнын адæмы Æппæтуæрæсеон æрфыстмæ. Аразынц æй дæс азы дæргъы иу хатт. Ацы хатт мадзал ацæудзæнис электрон хуызы. Гæххæттын сыфтæ баззадысты ивгъуыд дугæн æмæ сæ пайда кæндзысты æмæстдæр бахъуыды заман. Ныртæккæ та гæххæттын анкетæты бæсты æрфысты специалисттæн ратдзысты электрон планшеттæ. Уыдоны фæрцы сæ бон уыдзæнис бæрæггæнæнтæ æрæмбырд кæнын, æмæ æрфысты цыдмæ интернеты фæрцы цæст дарын.
Æппæтуæрæсен адæмон æрвфст райдайдзæнис 2020 азы, фыццæгæм октябры æмæ ахæсдзæнис мæйы дæргъы. Цæгат Ирыстоны кусдзæнис сæдæ специалисты бæрц. Базонæн сæ уыдзæнис сæрмагонд уæлæдарæсы фæрцы.
Æппæтуæрæсеон адæмы æрфыст у нæ бæстæйы егъаудæр цаутæй иу. Дæс азы дæргъы Уæрæсейы æрцыдысты егъау æмæ вазыгджын ивддзинæдтæ. Æрфысты бæрæггæнæнты фæрцы æрмæст стратегион хатдзæгтæ не скæндзысты, фæлæ ма сæ спайда кæндзысты экономикæйы æмæ социалон къабæзты. Бафиппаинаг ма у уый дæр æмæ уыцы мадзал нымад цæуы Уæрæсе æмæ Цæгат Ирыстоны историон цауыл. Йæ бæрæггæнæнтæй кæддæр спайда кæндзыты фидæны фæлтæртæ.
