Ногдзинады фæрцы, иумæйаг паддзахадон фæлварæны рæстæг чи æххуыс кæны, уыдонæн фиддзысты уæлæмхасæн компенсацитæ
Республикæйы Парламенты Совет рахæцыдис ахуырады кусджыты финансон уавæр фæхуыздæр кæныны закъоны проекты фарс. Ногдзинады фæрцы, иумæйаг паддзахадон фæлварæны рæстæг чи æххуыс кæны, уыдонæн фиддзысты уæлæмхасæн компенсацитæ. Фæлварæны рæстæг ахуырады кусджытæн фиддзысты дыууæ хатты фылдæр. Æмбырды рæстæг парламенты комитетты æмæ фракциты разамонджытæ дзырдтой цæгатирыстойнаг закъонаразæг æмбырды хъæппæристыл дæр. Ногдзинæдтæй иумæ гæсгæ, ныййарджытæн уыдзæнис бар сæ сабитæн мыггаг раттынæн, ирон национ-культурон традицитæ нымайгæйæ. Уымæй уæлдай ма дзырдтой хъалонты, зæххы æмæ цæрæнуæтты политикæйы фарстатыл, стæй адæмы социалон уавæртæ фæхуыздæр кæныны, хъæууон хæдзарады æмæ амалхъомдзинадмæ здæхт закъонтыл. Цæгатирыстойнаг парламентаритæ сразы сты, сæнæфсир зайын кæныны æмæ сæн аразыны тыххæй федералон закъонимæ. Æппæт хъæппæристæ дæр бахастой Парламенты радон æмбырды боны фæткмæ.
