Арæзт æрцыд металлургты культурæйы галуаны
200 куысты бынатæй фылдæры тыххæй абон республикæйы цæрджытæн фехъусын кодтой куыстдæттыны радон армукъайы. Арæзт æрцыд металлургты культурæйы галуаны. Æмæ йыл бакуыста куыст дæттыны комитет. Архайдтой дзы 30 куыстуаты разамонæджы, æмæ адæмæн радзырдтой 60 уæгъд куысты бынаты тыххæй, райдай инженерон-техникон дæсныйæдтæй æмæ социалон-культуронтæй фæуы. Армукъамæ æрбахуыдтой æгуыст адæмы. Куыст дæттыны комитеты ма загътой, ахæм армукъатæ арæзт кæй фæцæуынц республикæйы æппæт районты. Ахæм мадзæлтты фæрцы та ис комкоммæ аныхас кæнын амалхъом адæмимæ, æппæт уавæрты тыххæй базонын æмæ ма суанг куысты ныллæууын дæр. Уымæй дарддæр абоны армукъайы фæстæ адæмæн фадат уыдзæн ног программæты бацархайынæн, æмæ ног дæсныйад равзарынæн. Ныридæгæн ахæм армукъатæ арæзт æрцыдысты Алагиры, Мæздæджы, Горæтгæрон æмæ Дыгуры районты.
