300 сиддонæн сараздзысты экскурситæ æмæ сæ базонгæ кæндзысты æфсæддон службæимæ, равдисдзысты сын хæцæнгарз æмæ æфсæддон техникæ
Абон у сиддоны Æппæтуæрæсеон бон. Уый кадæн Дзæджыхъæуы, 58-æм æфсады 19-æм хицæн фистæгæфсæддон бригады сараздзысты сиддоны бон. Мадзал сараздзысты æфсæддон комиссарад æмæ хицæн фистæгæфсæддон бригады разамынды æххуысæй. 300 сиддонæн сараздзысты экскурситæ æмæ сæ базонгæ кæндзысты æфсæддон службæимæ, равдисдзысты сын хæцæнгарз æмæ æфсæддон техникæ. Уымæй уæлдай фендзысты салдæтты царды уавæртæ. Сиддонтæн, традицимæ гæсгæ, Хуссар æфсæддон зылды салдæттæ равдисдзысты фистæгæфсæддонты ныббырсты тактикæ, стæй химион хæцæнгарзæй пайда кæнгæйæ, хи куыд дарын хъæуы, уый. Фæсивæд базонгæ уыдзысты æфсæддон хайы традицитимæ, формæимæ æмæ æфсæддон техникæйы алы хуызтимæ. Уазджытæ саходдзысты æфсæддон хæринæгтæй дæр.