филиал вгтрк государственная телерадиовещательная компания “Алания”

Ирыстоны райдыдта национ бæрæгбон Джеоргуыба. Бæрæг æй кæнынц нæ республикæйы алы адæмы хæттытæ дæр. Къуырийы дæргъы æппæт хæдзæртты араздзысты бæрæгбоны фынгтæ – æртæ чъирийы, 3 фæрсджы. Бæгæныйы къусæй  дзы ссардзысты лæгты дзуары ном, ракурдзысты  дунейы сабырдзинад æмæ хоры бæркад. Традицимæ гæсгæ Джеоргуыбайы бæрæгбон вæййы ноябры фæстаг къури, адæм зæххы куыст куы фæвæййынц уæд. Æмæ райдайы галæргæвдæнæй. Абон та нæ республикæйы парламенты уынаффæмæ гæсгæ нымад у фæлладуадзæн боныл. Бæрæгбоны агъоммæ Ирыстоны цæрджытæн раарфæ кодта республикæйы сæргълæууæг Битарты Вячеслав.