филиал вгтрк государственная телерадиовещательная компания “Алания”

Нартыхъæуы скъолайы ахуырдзаутæ æмæ ахуыргнæджытæ архайдтой Æппæтуæрæсеон патриотон акцийы «Уæлахизы цæхæрадон»-ы æмæ ныссагътой 75 дыргъбæлæсты талатæ. Акцийы нысан у, Фыдыбæстæйы Стыр хæсты чи фæмард, уыдоны номыл 27 милуан бæласы ныссадзын. Нартыхъæуы ма фæнд кæнынц ноджыдæр 288 талайы ныссадзын. Уымæн æмæ уыцы тугкалæн хæстæй сæ хъæумæ нал сыздæхт 288 салдаты. Æнæмæлгæ пъолчы рæнхъытæ байдзаг уыдзысты фæткъуытæ æмæ кæрдотæй. Уалдзæджы та скъолайы кæрты нысадздзысты  бæрзбæлæсты аллея æмæ хæсдзæн уæларвон тыгъдады хъæбатыр, тæхæг  Кæсæбиты Тæтæрийы ном. Патриотон акцитæ арæзт цæуынц Фыдыбæстæйы хæсты Уæлахизы 75 азы кадæн.