Æвдыст дзы цæуынц Беслæны теракты фæстиуджытæ.
«Помнить, чтобы жить», ахæм сæргондимæ Мæскуыйы байгом къамты равдыст. Æвдыст дзы цæуынц Беслæны теракты фæстиуджытæ. Экспозици æвæрд ис Паддзахадон музейы. Йæ байгом кæныны мадзалы архайдтой Федерацийы Советы уæнг Мамсыраты Таймураз, Ассоциаци «Вымпел»-ы къорды Президент Валерий Попов, «Беслæны мадæлты» комитеты минæвæрттæ, сæрмагонд къордтæ «Альфа» æмæ «Вымпел»-ы ветерантæ, стæй ахуырдзаутæ. Мæскуыйы 1288-æм скъолайы ахуырдзау радзырдта се ахуыргæннæдоны бындурыл арæзт змæлды тыххæй – «Уæрæсейы сывæллæттæ терроризмы ныхмæ.» Арæзт уыд Беслæны теракты фæстæ, йæ символ у дзæнгæрæг. Йæ зæлтæ йын фехъусынц афæдз 2 хатты – 3-æм сентябры æмæ 18-æм февралы – змæлд цы бон байгом, уæд. Проект «Помнить, чтобы жить» царды рацыд Ассоциаци «Беслæны мадæлты» хъæппæрисæй, æххуыс та сын кæнынц Президенты Грантты Фонд æмæ Президенты æххæстбарджын минæвар Цæгат Кавказы Федералон зылды.
