19 ноября 2019, 12:16
Æппæтуæрæсеон паддзахадон телерадиокомпанийы генералон директоры хæдивæг Рифат Сабитов райста «ТЭФИ»
Регионалон телеуынынады рæзтмæ стыр æвæрæн кæй хæссы, уый тыххæй
Æппæтуæрæсеон паддзахадон телерадиокомпанийы генералон директоры хæдивæг – регионалон департаменты разамонæг Рифат Сабитов райста «ТЭФИ» регионалон телеуынынады рæзтмæ стыр æвæрæн кæй хæссы, уый тыххæй. Кадджын хæрзиуæг ын радтой Æппæтуæрæсеон телевизион конкурс «ТЭФИ-Регион»-ы рæстæг. Арæзт æрцыд Волгограды. Рифат Сабитов раарфæ кодта нæ бæстæйы æппæт регионты æмкусджытæн, æмæ загъта, тынг æхсызгон ын кæй у, ахæм аргъ ын кæй скодтой, уый.
