Равдыстой, тæссаг объектты нефты продуктты зынгсирвæзты фæстиуджытæ куыд иуварсгонд цæуынц, уый.
100 адæймаджы æмæ сæрмагонд техникæйы 30 машинæйы. Дзæуджыхъæуы абон арæзт æрцыдысты зынгсирвæзтыты ныхмæ тактикон ахуыртæ. Равдыстой, тæссаг объектты нефты продуктты зынгсирвæзты фæстиуджытæ куыд иуварсгонд цæуынц, уый. Æрхъуыдыгонд таурæгъмæ гæсгæ, арт апарахат резервуартæй иуы. Срæмыгъта дзы газ. Кусджытæ зынгсирвæзты тыххæй æвæстиатæй фехъусын хъахъхъæнджытæн, æмæ куыстуаты æппæт фæллойгæнджытæн. Куыддæр сигнализаци скуыста, афтæ адæм территорийæ рацыдысты. Аварион-ирвæзынгæнæн службæтæ та бавнæлдтой резервуар уазалгæнæн куыстытæм. Бынатмæ æрбафтыдысты зынгхуыссынгæнджытæ дæр. Ахуыртæ куыд равдыстой, афтæмæй се ппæт дæр разындысты хорз цæттæ. Специалистты хъуыдымæ гæсгæ, æппæт куыстытæ конд æрцыдысты, куыд æмбæлы, афтæ. Æмтгæй райсгæйæ, ахуыртæн сæвæрдтой бæрæггæнæн «Цыппар». Ахæм ирвæзынгæнæн мадзæлттæ арæзт фæцæуынц рæстæгæй-рæстæгмæ. Фадат дæтты ирвæзынгæнджыты теоретикон æмæ практикон зонындзинæдтæ ныффидар кæнынæн, æмæ сын се мгуыстад фенгомдæр кæнынæн.
