Слестгæнæн оргæнты хъæппæрисмæ гæсгæ, сæвзæрд уавæры тыххæй байгом кодтой уголовон хъуыддаг, статья «Нарушение санитарных правил, повлекшее по неосторожности массовое отравление»-мæ гæсгæ.
Беслæны сывæллæтты 6-æм рæвдауæндоны хъомылгæнинæгтæ бахаудысты рынчындонмæ инфекцион низы миниуджытимæ. Районы рынчындонмæ æххуысагур бацыдысты 14 сывæллоны. Уыдонæй 11 сабийы сты 2-йæ – 6 азы онг. Дыууæйæ сты уæззау уавæры. Ныртæккæ сын кæнынц æппæт æмбæлгæ æххуыс. Бæлвырддæр радзурдзæн Фидараты Маринæ.
Чысыл Самирæйыл цæуы æрмæстдæр дыууæ азы æмæ 7 мæйы. Йæ уавæр фæхуыздæр, æмæ бафынæй. Фæлæ знон сывæллон йæхи тынг æвзæр æнкъардта, æмæ йæ рæвдауæндонæй бахъуыди ракæнын, зæгъы йæ мад. Тынг фæтарстысты, уымæн æмæ чызгæн йæ зæрдæ хæццæ кодта æнæ рлæугæйæ. Уæд æвæстиатæй ацыдысты районы рынчындонмæ.
Медицинон куыстуатмæ æххуысагур чи бацыд, уыдон се ппæт дæр сæхи æнкъардтой иухуызон, хæцгæ низы миниуджытимæ. Ныртæккæ сабитæм кæсынц дохтыртæ, æвæрынц сын капельницæтæ. Аххосаг раиртасыныл та архайынц бæрнон кусджытæ.
Уæрæсейы фæлхасадмæ цæстдарды цæгатирыстойнаг Управленийы зæгъынц – абон райсомæй фæстæмæ кæнынц æппæт æмбæлгæ лабораторон иртæстытæ. Фыццаг хатдзæгтæ хъуамæ уой изæры.
Прокуратурæйы та кæнынц сæхи бæрæггæнæн куыст. Уавæрмæ цæуы бæстон цæстдард.
Ныртæккæ уал Беслæны рæвдауæндон у æхгæд. Слестгæнæн мадзæлттæ цæуынц дарддæр.
Слестгæнæн оргæнты хъæппæрисмæ гæсгæ, сæвзæрд уавæры тыххæй байгом кодтой уголовон хъуыддаг, статья «Нарушение санитарных правил, повлекшее по неосторожности массовое отравление»-мæ гæсгæ. Сæрмагонд слестгæнæн къорд бæрæг кæны хъуыддаг. Снысан кодтой тæрхондоны-медицинон æмæ химион экспертизæтæ. Уголовон хъуыддаг иртасынц дарддæр.
