Цæгат Ирыстонмæ Курганинскæй ссыдысты йæ цоты цот.
Рязаны облæстæй рацæуæг фронтовик Николай Поповы хæстæджытæ бабæрæг кодтой Мæздæджы районы Киевскæйы хъæу. Николай Попов фæмард Фыдыбæстæйы Стыр хæсты. Цæгат Ирыстонмæ Курганинскæй ссыдысты йæ цоты цот. Ам, Мæздæджы районы хъахъхъæнæн куыст кодта 52-æм денджызон мысанæхсæн бригад. Бастдзинады кусæг Николай Попов, æххæст кодта ахсджиаг хæслæвæрд, бахауд æхстыты бынмæ æмæ хъæбатырæй фæмард. 70 азы бæрц йæ хæстæджытæ сæ ныфсхаст салдаты тыххæй ницы зыдтой, сержант Попов нымад уыд æбæрæгæй сæфтыл. Архивтæм гæсгæ йæ бинонтæ æрмæджытæ ссардтой, æмæ рацыдысты мæздæггаг агурджытимæ бастдзинадмæ. Зæрдæхæлар адæмы фæрцы Киевскæйы хъæуы цыртдзæвæныл фæзынд номарæн фæйнæг, хъæбатыр хæстоны номимæ. Æрымысыдысты йæ, минут æдзæмæй алæугæйæ. Уый фæстæ бабæрæг кодтой иннæ зæрдылдарæн бынæттæ дæр.
