Радон кусæг балцы бабæрæг кодта, медицинæйы æмæ ахуырады бæстыхæйттæ кæм аразынц, уыцы районтæ, Елхоты та байгом кодтой нырыккон кусæнгæрæзтæй ифтонггонд спортивон комплекс.
Социалон нысаниуæг кæмæн ис, уыцы объектты арæзтадмæ дарддæр йæ цæст дары нæ республикæйы хицауады сæрдар Тускъаты Таймураз. Радон кусæг балцы бабæрæг кодта, медицинæйы æмæ ахуырады бæстыхæйттæ кæм аразынц, уыцы районтæ, Елхоты та байгом кодтой нырыккон кусæнгæрæзтæй ифтонггонд спортивон комплекс.
Ацы кусæг балцы Тускъаты Таймураз æргом аздæхта, медицинæйы къабазы цы арæзтæдтæ цæуы, уыдонмæ. Уыдон сты Михайловскæйы, Зæронд Бæтæхъойыхъæуы, Бруты æмæ Мацутæйы амбулаторитæ. Бруты Амбулаторийæн бæстыхай нæ уыд ныр цалдæр фæстаг азы. Персонал адæмæн лæггад кодтой хæстæгдæр скъолайы.
Дзæуджыхъæуы спортивон хъæбысхæстæй тренировкæтæ кæнæн арæзтад йæ тæмæны ис. Бæстыхайы къултæ сты амад, бауагътой коммуникацитæ.
Ног арæзтæдтæ фидæны аз фæзындзæн ахуырады къабазы дæр. Уыдон сты Дзæуджыхъæу ног микрорайонты 3 скъолайы. Стæй ма Дзæуджыхъæу, Æрæфы æмæ Кировы районты, æмтгæй райсгæйæ 6 рæвдауæндæтты самайдзысты уæлæмхасæн бæстыхæйттæ.
Ацы рæвдауæндоны бынат ис 110 сывæллонæн, хыгъдмæ гæсгæ та йæм цæуы 165. Иннæ аз та ма сыл ноджыдæр бафтдзæн. Уæлæмхасæн бæстыхайы фæрцы та сывæллæттæ рады нал лæудзысты.
Елхоты та Республикæйы хицауады сæрдар байгом кодта спортивон комплекс. Турниктæ, футболон фæзуат 4 дуаримæ, æмæ стриболæй хъазынæн пурти кæдæм баппарын хъæуы, ахæм тымбылæг.
Спортивон комплекс кæронмæ арæзт фæвæйы Дигорайы. Нартыхъæуы та бирæвæрсыг спортивон фæзуат æрцыд гом.
Арæзтæдтæ куыд цæуынц, уыдонæн сæ фылдæрæй Тускъаты Таймураз баззад разы . Йæ ныхæстæм гæсгæ рагагъоммæ нысантæ куы æвæрай, уæд арæзтад дæр цуæдзæн афойнадыл æмæ хæрзхъæд.
