Мониторинг арæзт æрцыд муниципалон хицаудзинады оргæнты минæвæрттимæ, подрядон организациты кусджытимæ, стæй дзыллон информацийы фæрæзты минæвæрттимæ.
Радон мониторинг скодтой Æппæтуæрæсеон адæмон фронты регионалон штабы эксперттæ Горæтгæрон æмæ Рахизфарсы районты, федералон проект «Горæты æнцонвадат архайд» куыд æххæстгонд цæуы, уый феныны нысанимæ. Мониторинг арæзт æрцыд муниципалон хицаудзинады оргæнты минæвæрттимæ, подрядон организациты кусджытимæ, стæй дзыллон информацийы фæрæзты минæвæрттимæ. Æмтгæй райсгæйæ, æхсæнадон кусджытæ баззадысты разыйæ. Æппæтуæрæсеон адæмон фронты экспертты хъуыдымæ гæсгæ фæхуыздæр канд аивдзинадыл куысты хæрзхъæддзинад нæ, фæлæ ма аивта цæрджыты æмæ бæрнон кусджыты цæстæнгас дæр. Октябрьскæйы фæлладуадзæн парчы, федералон проект æххæст кæнгæйæ, фæзындысты уæрæх къахвæндæгтæ, бадæн бынæттæ, бырæттæн урнæтæ æмæ рухсгæнæнтæ. Куыстыты дыккаг къæпхæн райдайдзæн 2020-æм азы. Нысан кæнынц сывæллæттæн ирхæфсæн фæз саразын стæй сæрдыгон сценæ скæнын. Бæрнон кусджытæ разыйæ баззадысты Беслæны уавæрæй дæр. Сæрибардзинады фæрсагуынджы сквер сси зæрдæмæдзæугæ фæлладуадзæн зонæ. Уæдæ дзы бынат скодтой спортивон кусæнгæрзтæн дæр, æмæ базылдысты цæх фæлыстмæ. Хæстæгдæр рæстæг ма дзы фæзындзæн сывæллæттæн хъазæн фæз дæр.
