Ахæм ерыстæ фæцæуынц ахуырадон семестрмæ 3 хатты.
Пластикæ, уæнгты аив æмæ раст змæлд. Æппæт ацы хъуыддæгтæ æнæмæнг хъæугæ сты спортивон кæфтытæн. Æрыгон Цомартаты Даниеллæ уыцы миниуджытæй æххæст у се ппæтæй дæр, кæд æмæ йыл 7 азы йеддæмæ нæма цæуы, уæддæр. Ныридæгæн цалдæр хатты сси спортивон кæфтытæй ерысты призер. Ацы турниры та йын бантыст сызгъæрин майдан рамбулын. Кæд ерыстæ кæстæр кары спортсментæн арæзт сты, уæддæр сæ арæхстдзинад лæууы хистæрты æмрæнхъ. Архайынц дзы 200 æрыгон кафæджы. Аргъ та сын кæнынц бæрнон жюрийы уæнгтæ. Зын æмбæхсæн сты ныййарджыты æнкъарæнтæ дæр. Кæй зæгъын æй хъæуы, се ппæты дæр фæнды, цæмæй сæ сывæллæттæ равдисой иттæг хорз цæттæдзинад. Ерысты архайджытæ фылдæр архайынц иугæйттæй. Уый баст у уыимæ, æмæ классикон кæфтыты нæ фаг кæнынц лæппутæ. Фæлæ фæстаг рæстæг уавæр ивы хуыздæрырдæм. Ахæм ерыстæ фæцæуынц ахуырадон семестрмæ 3 хатты. Æрыгон спортсменты фæхъæуы сæ арæхстдзинад, куыд æмбæлы, афтæ равдисын.
