Æрбахуыдтой йæм 58-æм æфсады командæгæнджыты, парламенты æмæ хицауады уæнгты, Дзæуджыхъæуы администрацийы, ветеранты æхсæнадон организациты минæвæртты
Цæгат Кавказы суворовон æфсæддон училищæйы равзæрды 76 азы фæдыл арæзт уыд кадджын æмбырд. Æрбахуыдтой йæм 58-æм æфсады командæгæнджыты, парламенты æмæ хицауады уæнгты, Дзæуджыхъæуы администрацийы, ветеранты æхсæнадон организациты минæвæртты, училищæйы ахуырдзауты хæстæджыты æмæ хиуæтты. Ис дзы нырыккон кусæнгæрзтæй ифтонг кълæстæ. Ам ахуыр кæнынц машинæ тæрыныл дæр. Æфсæддон цæттæдзинады бындуртæ базонынæн саразынц туристон маршруттæ. Училищæйы ис сæрмагонд фæзуат пейнтболæй хъазынæн, стæй скалодром. Кадджын мадзалы рæстæг ахуыргæнæндоны хуыздæр кусджытæ æмæ хъомылгæнинæгтæ хорзæхгонд æрцыдысты кады гæххæттытæй. Ацы бонмæ ам ахуыр кæны 230 лæппуйы, ног корпус куы байгом кæной, уæд та сæ нымæц уыдзæн 500-мæ ввахс.
