Хуыздæры аккаг дзы сси станица Павлодольскæйы скъолайы æфсæддон намысы агъуыст
Афæдзы кæрон æмæ Стыр Уæлахизы 75 азы агъоммæ. Сбæрæг сты республикæйы скъолаты музейты æркаст-конкурсы уæлахиздзаутæ. Хуыздæры аккаг дзы сси станица Павлодольскæйы скъолайы æфсæддон намысы агъуыст. Музейæн бындур æвæрд æрцыди 1977-æм азы. Ам сæмбырд кодтой станицæйы историйы азфысты æвдисæндартæ æмæ экспонаттæ. Равдысты экспозицийы фылдæр хай баст у, Фыдыбæстæйы Стыр хæсты Павлодольскæйы цæрджытæ цы хъæбатырдзинад равдыстой, уыимæ. Музейы фенæн ис архивон хуызистытæ, документтæ, хæстонты хи дзаумæттæ. Коллекци хъæздыг кæнынмæ се вæрæн хæссынц скъоладзаутæ дæр. Районы ветеранты Советы сæрдар Юрий Соколов арфæ ракодта скъолайы коллективæн сæ уæлахизы тыххæй, æмæ сын радта æхцайы преми, стæй сывæллæттæн истори ахуыр кæнынæн æххуыс чи уыдзысты, ахæм чингуытæ.
