Ахуыртæ цыдысты иумæйаг æфсæддон полигон Дзарцемийы
58-æм æфсады 4-æм уæрæсейаг базæйы æфсæддонтæ Хуссар Ирыстоны архайдтой рæстдзæвинты хæцæнгарзæй мысан рæстæгмæ æхсыныл. Ахуыртæ цыдысты иумæйаг æфсæддон полигон Дзарцемийы. Сæрмагонд курсы архайдтой 100 рæстдзæвинæй фылдæр. Цы зонындзинæдтæ райстой, уыдон сын фадат радтой 7 секундмæ 5 мысаны 100 метрæй акъуырынæн. Рæстдзæвинты къæйттæ сусæгæй цыдысты дæсгай километртæ, уыимæ æнæзонгæ бынæтты. Сахуыр сты æнæ уæлдай уынæрæй хъахъхъæнæн арæнты сæрты хизыныл. Ахуырты рæстæг рæстдзæвинтæ стыр æргом здæхтой сæхи æмбæхсынмæ. Цæттæгæнæн мадзæлттæ арæзт æрцыдысты ерысты хуызы. Иу хæс уыцы-иу рæстæг æххæст кодтой цалдæр рæстдзæвины къайы. Ахуырты сæйраг хицæндзинæдтæ та баст уыдысты – хæххон уавæрты, хæхты бæрзæнды æмæ уазал боныхъæды мысан æхсæн сусæгдзинæдтæ сфæлтæрын.
