Уыдонæй цыппæрдæс мин адæймаджы банымадтой æгуыстыл.
Æстдæс мин адæймагæй фылдæр фарон куыстагур бацыдысты адæмæн куыстдæттыны комитетмæ. Уыдонæй цыппæрдæс мин адæймаджы банымадтой æгуыстыл. Ахæм бæрæггæнæнтæ республикæйы координацион советы æмбырды фехъусын кодта профилон ведомствойы разамонæг Платы Альбинæ. Йæ ныхæстæм гæсгæ, комитет фарон æгуыст адæмæн фиддонтæ бафыста дыууæсæдæ æхсай милуан сомы бæрц. Дыууæ мин адæймагæн радтой куыст, сæдæ рауагъдоны та паддзахады хардзæй ацыдысты стажировкæ. Платы Альбинæ куыд загъта, афтæмæй республикæйы куыстуæттимæ æмгуыстады фæрцы фæфылдæр кодтой ваканситы нымæц. Службæйы куыд зæгъынц, афтæмæй ацы аз дæр, фаронау, хъæудзысты дохтыртæ, ахуыргæнджытæ, медицинон хотæ, хуыйджытæ, зырнæйзилджытæ, слесыртæ. Кæронмæ лыггонд нæма æрцыд, се нæниздзинад хъыгдард кæмæн у, уыцы адæмæн куысты бынæттæ раттыны фарста. Фарон уыцы къордæй куыст ссардтой æстай иу адæймагæн, фæлæ иу минæй фылдæрæй та æнхъæлмæ кæсынц ваканситæм.
