Методикæ стыр æргом здахы сывæллоны психологон æмæ социалон хъомыладмæ
Монтессорийы системæмæ гæсгæ кусын райдыдтой Дзæуджыхъæуы сывæллæтты центртæй иуы. Методикæ стыр æргом здахы сывæллоны психологон æмæ социалон хъомыладмæ. Центры фæстæ, кæстæртæн фадат вæййы астæуккаг скъолатæм бацæуынæн, фæлæ инклюзивон ахуырадимæ. Сергей Белановскийы истори уымæн ирд æвдисæн. .
9-аздзыд Сергей Белановский рынчын у зæрдæйы низæй. Цалдæр азы размæ лæппуйæн скодтой уæззау операци, æмæ йын йæ зæрдæйы тъæфой баивтой донорæй. Сережæйæн йæ бон дзурын дæр нæ уыди. Иуæй-иу зындзинæдты сæрты æхызти Монтессорийы системæмæ гæсгæ инклюзивон ахуырады фæрцы.
Сергеимæ центры кусынц логопедтæ æмæ педагогтæ. Бирæ рæстæг лæппу уынгмæ цæуын нæ уæндыди. Ныр уыцы фарста дæр иуварсгонд æрцыд. Ныр æнцонтæй æрхизы асинтыл. Инклюзивон ахуырады фæрцы Сергейæн фадат фæци скъоламæ бацæуын дæр.Æвдисы хорз æнтыстдзинæдтæ. Ахуыр кæны æмдзæвгæтæ, æмæ æнцонтæй æххæст кæны æндæр хæслæвæрдтæ. Йæ уарзондæр предмет у математикæ.
Сережæйæн ма хъæуы бæлвырд иртæстытæ æмæ операци скæнын фæсарæнты. Уымæн та хъæуынц стыр æхцатæ. Белановскиты бинонтæм уыйас фæрæзтæ, кæй зæгъын æй хъæуы, нæй.
