Аразынц æй Паддзахадон автоинспекцийы кусджытæ.
Æртыккæгæм февралæй дæсæммæ Цæгат Ирыстоны цæуы профилактикон мадзал «Пристегни ребенка». Аразынц æй Паддзахадон автоинспекцийы кусджытæ. Республикæйы цæрджыты зæрдыл лæууын кæнынц, сывæллæтты ласгæйæ ахсджиаг кæй у сæрмагонд бандæттæй æмæ уромæнтæй пайда кæнын. Инспектортæ дзурынц ныййарджытимæ, æмбарын сын кæнынц, цæмæй фæндагыл цæугæйæ уой къæрцхъусдæр æмæ сæ сывæллæтты ласгæйæ, пайда кæной æдасдзинады ронæй. Бацæттæ сын кодтой сæрмагонд информацион сыфтæ. Акци аразджытæ ма иу хатт шофырты зæрдыл æрлæууын кодтой, фæндаггон фæткы домæнтæ. Куы нæ сæ æххæст кæной, уæд фæндаггон фыдбылызы рæстæг тæссаг у æвзæр фæстиуджытæй. Сидынц шофыртæм, цæмæй фæндагмæ рацæуыны размæ сбæрæг кæной, йæ бæлцæттæ сæрмагонд уромæнтæй фидаргонд сты, æви нæ, уый.
