Цæгат Кавказы хæххон металлургон институты æрæмбырд сты арæзтадон факультеты ахуыргæнинæгтæ, профилон министрадты минæвæрттæ æмæ егъау арæзтадон компаниты разамонджытæ
Республикæйы арæзтадон комплексы рæзтыл кусын, æмæ студенттæн куысты бынæттæ дæттын. Цæгат Кавказы хæххон металлургон институты æрæмбырд сты арæзтадон факультеты ахуыргæнинæгтæ, профилон министрадты минæвæрттæ æмæ егъау арæзтадон компаниты разамонджытæ. Æрныхас кодтой нæ регионы ацы къабазы рæзтыл æмæ куысты бынæттæй ифтонг кæныныл. Хæххон металлургон институы разамынд æмæ специалисттæ æрцыдысты иу хъуыдымæ – уæлдæр ахуыргæнæндоны æмæ Цæгат Ирыстоны экономикон секторы хсæн æмгуыстад хъæуы фидардæр кæнын. Уый фадат ратдзæн нæ республикæйы арæзтадон комплексы рæзтæн, стæй фæхуыздæр кæндзæн профилон ахуыргæнæндæтты хæрзхъæддзинад.
