Архайдтой дзы 40 адæймагæй фылдæр, 8 азæй 51 азы онг кæуыл цæуы, ахæмтæ
Ахадгæ рухстауæн акци «Открытая лабораторная» дыккаг хатт арæзт æрцыди сывæллæтты технопарк «Кванториум»-ы. Архайдтой дзы 40 адæймагæй фылдæр, 8 азæй 51 азы онг кæуыл цæуы, ахæмтæ. сахаты *рдæджы бæрц акцийы архайджытæ дзуæппытæ лæвæрдтой æрдзон наукæты къабазæй. Фæрстытæ бацæттæ кодтой зындгонд уæрæсеаг ахуыргæндтæ – эволюционист Александр Марков, биоинформатик Михаил Гельфанд, астрофизик Сергей Попов æмæ иннæтæ. Хатдзæгтæм гæсгæ, уæлахиздзау сси Егор Жуков. Дыккаг бынат адих кодтой Анастасия Чевенкова, Артем æмæ Даниил Беседины æмæ Валерий Пачулия. Се ппæт призертæ дæр райстой электрон чингуыты сервисæй иу мæйы æмгъуыд пайда кæныны бар, стæй лæвæрттæ динозаврты хуызы – уыдон сты сывæллæтты технопарчы 3Д принтерæй кæй скодтой, ахæм фæлмæн хъазæнтæ.
