филиал вгтрк государственная телерадиовещательная компания “Алания”

Фæндæгтыл æдасæй цæуыны паддзахадон инспекци, мидхъуыддæгты минстрад æмæ адæмон дружинæты хъæппæрисæй скодтой профилактикон акци «Къахвæндаджы æдас зонæ». Инспектортæ шофыртæн æмбарын кодтой, зымæгон  фæндæгтыл хи дарыны æгъдæуттæ. Талынгæй хъуамæ адæймаг йæ уæлæдарæсыл дара рухсгæнæнтæ. Мадзалы стыр æргом здæхт æрцыди, сывæллæттæ кæм бахауынц, ахæм фæндаггон фыдбылызты фарстатæм. Æнæхъом фистæгæйцæуджытимæ скодтой æмбарынгæнæн ныхас. Акци æххæстгæнгæйæ, машинæтыл баныхæстой тикертæ – «Вежливый водитель». Фистæгæйцæуджытæн радтой рухсгæнæнтæ. Æрлæууæнты та баныхæстой, адæймаг фæндаггон фыдбылызæй йæхи куыд бахъахъхъæна, ахæм текстимæ зæрдылдарæнтæ.