Уыцы бæллиц сæххæст кæнын ын баххуыс кодта Æппæтуæрæсеон хæрзаудæн проект «Мечтай со мной»
Дзæуджыхъæуккаг пенсиисæг Дудуты Риммæ фыццаг хатт уыди Санкт-Петербурджы. Уыцы бæллиц сæххæст кæнын ын баххуыс кодта Æппæтуæрæсеон хæрзаудæн проект «Мечтай со мной». Уый схонæн ис сывæллæтты æмæ, йе нæниздзинад тæссаг кæмæн у, ахæм ацæргæ адæмы бæллицтæ æххæстгæнæг проект. Дудуты Риммæ цæры йæ фырт Максимимæ Дзæуджыхъæуы. Йæхæдæг куыд зæгъы, афтæмæй цæргæ бонты бæллыди нæ бæстæйы цæгатаг сæйраг сахар фенынмæ. Уæлдай дисы йæ фтыдта йæ рæсугъд архитектурæ, музейтæ æмæ æндæр зæрдылдарæн бынæттæ. Риммæйыл цæуы 84 азы. Дыууæ мины æмæ 500 сæдæ километры сæрты ахизгæйæ, йæ фыртимæ федта йæ уарзон Санкт-Петербург. Проекты волонтертæ сын бацæттæ кодтой экскурси. Атезгъо кодтой Невайы цæугæдоны былгæрæтты, бацыдысты аргъуанмæ Спас на Крови, федтой Галуанты фæз, Хъазайнаг æмæ Исакиевский собортæ. Куыд рабæрæг, афтæмæй Санкт-Петербурджы цæрынц Риммæйæн йæ хæстæджытæ. Рагæй сæ нæ федта. Проект «Мечтай со мной» цы балц бацæттæ кодта, уый та йын фадат радта йæ хиуæтты фенынæн, æмæ йæ ахсджиагдæр бæллиц сæххæст кæнынæн дæр.
