Кæд сыл æнусы рдæг цæуы, уæддæр тынг парахат сты фæсивæды хсæн
Абон у Уæрæсейы студентон отрядты бон. Кæд сыл æнусы рдæг цæуы, уæддæр тынг парахат сты фæсивæды хсæн. Ныртæккæ уæрæсейаг студентон къордты хыгъды ис 240 мин æрыгон адæймаджы. Цæгат Ирыстоны сты арæзтадон, педагогон, медицинон, хъæууонхæдзараон æмæ æндæр къордтæ. Афæдзæй-афæдзмæ студентон отрядтæ рæзынц, архайынц нæ бæстæйы егъау арæзтадон объектты æмæ фæзты. Зæгъæн ис, æмæ отрядты уæнгтæ сты сæйраг кусæг тыхтæ ахæм стыр фæзты, куыд космодром Восточный, газы центр Бованенково, Норильскы объекттæ, стæй Екатеринбурджы Академион районы арæзтад. Педагогон студентты къордтæ та кадртæй ифтонг кæнынц хъуыстгонд сæрдыгон лагерьтæ. Фæлтæрты бастдзинад бахъахъхъæнын – у æппæтæй ахсджиагдæр хæс, Уæрæсейы арæзтадон отрядтæ куы фæзындысты, уæдæй нырмæ. Абон Дзæуджыхъæуы дæр арæзт цæуынц, ацы бонимæ баст бæрæгбоны мадзæлттæ.
