Студи «44 Долгота» кинолентæ ирон æвзагмæ ратæлмац кодта Фыдыбæстæйы Стыр хæсты цаутæ æвдисæг ныв
Дзæуджыхъæуы Кинойы хæдзары уыдзæни киноныв «Баллада о солдате»-йы премьерæ ирон æвзагыл. Студи «44 Долгота» кинолентæ ирон æвзагмæ ратæлмац кодта Фыдыбæстæйы Стыр хæсты цаутæ æвдисæг ныв. Кино ист æрцыди 1959-æм азы. Æрыгон салдат, 19-аздзыд Алеша Скворцов равдыста хъæбатырдзинад, схæцын кодта немыцаг цалдæр танчы. Хъæбатырæн хæрзиуæджы хуызы радтой цыбыр рæстæгмæ хæдзармæ ацæуыны бар. Ссыди йæ хæдзармæ, федта йæ ныййарæджы, æмæ йын зæрдæ бавæрдта фæстæмæ кæй сыздæхдзæн, уымæй. Стæй, фæстæмæ ацыди фронтмæ, æмæ дзы баззади æнустæм. Зындгонд Советон киноныв хаст æрцыди кинойы дунеон сызгъæринг фондмæ, райста сæдæ æппæтадæмон хæрзиуæгæй фылдæр. Уый Советон кинойæн у рекорд. «Баллада о солдате» «Кинойы хæдзар»-ы равдисдзысты 21-æм февралы 15 сахатыл.