Республикæйы разамонæджы арфæйы фыстæг райста медицинон наукæты кандидат, уæлдæр категорийы дохтыр Гæбæраты Миленæ
Мæскуыйы Цæгат Ирыстоны минæварады кадджын уавæры радтой нæ республикæйы разамонæджы хæрзиуджытæ. Аивадмæ стыр æвæрæн кæй бахастой, уый тыххæй Цæгат Ирыстоны адæмон нывгæнæджы кадджын ном радтой Мæскуыйы нывгæнджыты цæдисы уæнг Лотиты Игорæн. Йæ куыстытæ хъуыстгонд сты æнæхъæн дунейыл, сты йын музейты æмæ хицæн адæмы коллекциты. Республикæйы разамонæджы арфæйы фыстæг райста медицинон наукæты кандидат, уæлдæр категорийы дохтыр Гæбæраты Миленæ. У профессор Торчынты Амырханы ахуыргæнинаг, ныртæккæ кусынц иумæ Мæскуыйы медикон-стоматологон университеты. Миленæ хъуыстгонд у йæ хæрзаудæн архайдæй. Лæвар операцитæ скодта сæдæ сылгоймагæй фылдæрæн. Мадзалы архайдтой Мæскуыйы ирон æхсæнады минæвæрттæ.
