Ныр та уал фидæны абитуриенттæ фыццаг хатт бакъахдзæф кодтой ахуыргæнæндоны къæсæрæй
Цæгат Ирыстоны паддзахадон медицинон академи сентябры 81-æм хатт æмбырд кæндзæн студентты. Ныр та уал фидæны абитуриенттæ фыццаг хатт бакъахдзæф кодтой ахуыргæнæндоны къæсæрæй. «Зымæгон скъола»-йы фæлгæты фæсивæдæн кафедрæтыл скодтой экскурси. Уазджытæ уал фыццаг фембæлдысты академийы ректор Олег Ремизов æмæ ахуыргæнджытимæ. Радзырдтой сын ацы дæсныйады ахадындзинады тыххæй. Сæйрагдæр та уый, æмæ ацы ахуыргæнæндоны студенттæ бирæ рæстæг хъуамæ æрвитой чингуыты уæлхъус. Уый фæстæ абитуриенттæ ацыдысты уроктæм. Уым сын равдыстой медицинон кусæнгæрзтимæ архайын куыд хъæуы уый, æмæ фæлварæнтæм цæттæ кæныны сусæгдзинæдтæ. Фæсивæдмæ цымыдисаг фæкасти Фыдыбæстæйы Стыр хæстимæ баст равдыст дæр.
