Йæ хъуыдымæ гæсгæ хæххон уæлдæф хорз фæрæз у сыгъдæг продукцийæн
«Экологон æгъдауæй сыгъдæг продукци æрзайын кæнын у нæ республикæйы хъæууон хæдзарады ахсджиагдæр фарстатæй иу», ахæм фæтк проектон офисы рæстæг зæхкуысджыты размæ сæвæрдта республикæйы сæргълæууæг Битарты Вячеслав. Йæ хъуыдымæ гæсгæ хæххон уæлдæф хорз фæрæз у сыгъдæг продукцийæн. Дунейы фермерон хæдзарæдтæн се ртыккаг хай архайы сыгъдæг экологон куысты фæткмæ гæсгæ. Органикон зæххы куыстмæ хъуамæ хаст ма цæуой, æнæниздзинадæн зианхæссæг, кæнæ синтетикон æмæ æндæр хъацæнтæ. Уый фадат ратдзæн, æрдзæн зиан ма рхæсгæйæ, хæрзхъæд сыгъдæг продукци райсынæн. Ахæм халсартæ æрвитæн уыдзæн æндæр регионтæм æмæ бæстæтæм. Битарты Вячеслав профилон ведомствæтæн бабар кодта, органикон хъæууон хæдзарады проект бацæттæ кæнынæн мадзæлттæ снысан кæнын. Проектон офисы æмбырды архайдта республикæйы хицауады сæрдары фыццаг хæдивæг Сæбæтхъуаты Æхсарбег, хæдивджытæ Фадзайты Æхсарбег æмæ Азымты Иринæ, экономикон рæзты министр Томайты Хъазыбег.
