Алы бон дæр хæринаг цæттæ кæнынц коронавирусæй рынчын адæмæн.
Коронавирусимæ тох кæныны фыццæгтимæ ис дзæбæхгæнæн æмæ хойраджы профилактикон центр дæр. Алы бон дæр хæринаг цæттæ кæнынц коронавирусæй рынчын адæмæн. Сæ хойраг иннæтæй кæны хицæн. Куыд, уый тыххæй нæ программæйы æрмæг.
Æппæт витаминтæй æххæст хойраг ахсджиаг у алы адæймагæн дæр. Рынчынæн та æнæмæнгæй хъæуы уæлæмхасæн æвæрæнтæ. Уымæ гæсгæ, коронавирусы инфекци кæмæ ис, уыцы пациенттæн хъуамæ уа хæрзхъæд, уыимæ комплексон хæринаг. Пырындзæй кас, карчы дзидза, кæсаг, æмæ афтæ дарддæр. Ахæм хойраг тагъд æххуысы клиникон рынчындоны пациенттæн цæттæ кæнынц дзæбæхгæнæн æмæ хойраджы профилактикон центры. Ам æххæст кæнынц алы домæнтæ æмæ фиппаинæгтæ. Адæймаг цæмæй тагъддæр адзæбæх уа, уый тыххæй йын хъæуы алцæмæй æххæст хæринаг.
Республикæйы стырдæр медицинон куыстуæттæ хæринаг исынц ацы центрæй. Хæринаджы
хыгъд саразынц медицинон службæйы специалисттæ. Ацы хъуыддаджы æмгуыстад кæнынц
рынчындæтты сæйраг дохтыртимæ.
Хæринаггæнджыты кусгæ бон райдайы райсомы 6 сахатыл. Ам фыццаградон хæс у, цæмæй рынчынтæн хæринаг ласой афоныл. Ацы бонты фидаргонд цæуы, республикон клиникон рынчындлонмæ цы хойраг ласдзысты, уый хыгъд дæр. Уырдæм дæр нырæй фæстæмæ ласдзысты коронавирусæй рынчын адæмы.
