Бацæттæ йæ кодтой УФ-йы рухстауæн министрад, студентон телеуынынады æппæтадæмон ассоциаци æмæ скъоладзауты æппæтуæрæсеон змæлд
Цæгат Ирыстон архайы æппæтуæрæсеон акци «2020-æм азы фæстаг дзæнгæрæджы». Бацæттæ йæ кодтой УФ-йы рухстауæн министрад, студентон телеуынынады æппæтадæмон ассоциаци æмæ скъоладзауты æппæтуæрæсеон змæлд. Абон, тæккæ райсомæй фæстæмæ, социалон хызты цæуы арфæты марафон. Акци байгом кодта министр Сергей Кравцов.
Уæ зæрдыл уын æй лæууын кæнæм,дунейы эпедимиологон уавæр карз кæй у, уымæ гæсгæ, абон скъоладзаутæн фæстаг дзæнгæрæг азæлыд онлайн-бастдзинады хуызы.Традицион ныстуантæ рауагъдонтæн скæнын кæй фæнды, уыдонæн уыцы фадат ис видеобастдзинады фæрцы. Сæ бон у сæхи ныффыссын, æмæ йæ социалон хызты равæрын. Уыимæ видеороликы хъæуы фæнысан кæнын хештег #ПоздравьВыпускника_2020.