27 мая 2020, 17:20
Проект «Аивад æмæ карантин» расидтис Дзæуджыхъæуы администрацийы культурæйы управлени
Сывæллæттæ сæхи фæлварынц зындгонд нывгæнджыты уацмыстæ сфæлхат кæныныл
Проект «Аивад æмæ карантин» расидтис Дзæуджыхъæуы администрацийы культурæйы управлени. Сывæллæттæ сæхи фæлварынц зындгонд нывгæнджыты уацмыстæ сфæлхат кæныныл. Проекты архайджытæ фыццаг систы сывæллæтты аивæдты скъолайы хъомылгæнинæгтæ.
Горæты культурæйы управленийы кусджытæ куыд фехъусын кодтой, афтæмæй сæм ацы акци саразынмæ сразæнгард кодта æппæтадæмон проект «Аивад æмæ карантины хсæн». Мадзалы нысан у хуымæтæг, фæлæ цымыдисаг.
Кæй фæнды, уыдонæй алкæмæн дæр йæ бон у хæдзары зындгонд нывгæнæджы куыст сфæлхат кæнын æмæ йæ социалон хызты равæрын. Райдиан къæпхæны сывæллæттæ адæмы размæ рахастой, дунейы хъуыстгонд чи у, ахæм нывгæнджыты 10 куысты.
