Æппæтуæрæсеон адæмон фронты активисттæ сæ цæст дарынц куыстыты хæрзхъæддзинадмæ
Цæгат Ирыстоны æххæст кæнынц федералон программæтæ дæр. Афтæ, нæ республикæйы районты кæмдæр арæзт цæуынц, кæм дæр та цалцæггонд спортивон объекттæ. Æппæтуæрæсеон адæмон фронты активисттæ сæ цæст дарынц куыстыты хæрзхъæддзинадмæ. Семæ рейды рацыди не сфæлдыстадон къорд дæр. Моргуаты Ладæ радзурдзæн бæлвырддæр.
Архонкæйы 2-æм скъолайы 50 азы цалцæггæнæн куыстытæ нæ цыдысты. Ацы аз сцалцæг кодтой спортивон зал. Куыстытæ райдытой майы мæйы æмæ хъуамæ фæуыдаиккой августы. Фæлæ раздæр сцæттæ ис.
Спортивон залы ис дзаумæттæ ивæн дыууæ бынаты – иу лæппуты, иннæ та чызджыты, уазал æмæ тæвд донимæ. Кусæнгæрзтæн æмæ ахуыргæнджытæн ис хицæн уат. Скъолайы разамынд разы у цалцæгæй. Спортивон зал рацарæзтой нысанмæ арæзт федералон программæ «Ахуырад»-ы фæрцы.
Куыстытæ куыд цæуынц, уый сбæрæг кодта Æппæтуæрæсеон адæмон фронты минæвæрттæ.
Мичуриныхъæуы фæзынд, рагæй кæмæ æнхъæлмæ кастысты, ахæм рæвдауæндон. Йæ алфамбылайы аивгæнæн куыстытæ нæма фесты. Объект лæвæрд нæма æрцыд. Хæстæгдæр рæстæг дзы фæзындзысты тренажертæ.
Арыдоны та арæзт цæуы фыццаг спортивон комплекс. Куыстытæ цæуынц национ проект «Демографимæ» гæсгæ. Ам уыцы-иу рæстæг архайыны бар уыдзæн 150 адæймагæн. Комплекс аразын райдыдтой ацы аз.
Комплекс йæ дуæрттæ байгом кæндзæн иннæ аз. Дыууæуæладзыгон бæстыхайы фадат уыдзæн бокс æмæ уæгъдибар хъæбысхæстæй архайынæн.
